બજરંગી ઓ હનુમાન બજરંગી,

બજરંગી ઓ હનુમાન બજરંગી,
રામ સીતાની સેવામાં સંગી  હનુમાન બજરંગી,
શક્તિશાળી ઓ હનુમાન શક્તિશાળી ,
સિતા કાજે તે લંકાને બાળી હનુમાન બજરંગી,
તને ચડે છે તેલને સિંદુર, હનુમાન બજરંગી,
તને ચડે છે આકડાની માળા હનુમાન બજરંગી,

ફૂલડાં કોને ચડાવશુ?

બગીચામાં ખીલ્યા છે ફૂલ, ફૂલડાં કોને ચડાવશુ?
રામને ચડાવશું ને સીતાને ચડાવશું,
રામ ગયા છે વનવાસ ફૂલડાં કોને ચડાવશું ?
શંકરને ચડાવશું ને પાર્વતીને ચડાવશું,
શંકર ગયા છે કૈલાસ ફૂલડાં કોને ચડાવશું ?
કૃષ્ણ ચડાવશું ને રાધાને ચડાવશું,
કૃષ્ણ ગયા છે ગોકુળ ફૂલડાં કોને ચડાવશું ?
વિષ્ણુંને ચડાવશું ને લક્ષ્મીને ચડાવશું,
વિષ્ણું ગયા છે પાતાળ ફૂલડાં કોને ચડાવશું ?

ધીરી વગાડ, ધીરી વગાડ , કાનુડા મોરલી ધીરી વગાડ

ધીરી વગાડ, ધીરી વગાડ , કાનુડા મોરલી ધીરી વગાડ.

રંગે વગાડ, ઉમંગે વગાડ, કાનુડા મોરલી ધીરી વગાડ.

ઘેલી બની, ઘેલી બની, ગોકુળની ગોપીઓ ઘેલી બની.

નાચી રહી નાચી રહી, ગોકુળની ગોપીઓ નાચી રહી.

હારી ગઈ, હારી ગઈ, ગોકુળની ગોપીઓ હારી ગઈ,

જીતી ગયો, જીતી ગયો, કાળો કનૈયો જીતી ગયો.

હર હર શંભુ ભોળા તમારી ધૂન લાગી

હર હર શંભુ ભોળા તમારી ધૂન લાગી,

તમારી ધૂન લાગી ભોળા તમારી ધૂન લાગી,

ગળે સર્પવાળા તમારી ધૂન લાગી,

તમારી ધૂન લાગી ભોળા તમારી ધૂન લાગી,

હાથમાં ડમરુંવાળા તમારી ધૂન લાગી,

પાર્વતીના પ્યારા તમારી ધૂન લાગી,

ગણેશજીના પિતા તમારી ધૂન લાગી

હર હર શંભુ ભોળા તમારી ધૂન લાગી,