હનુમાનજી દેજો સંદેશો ....

હનુમાનજી દેજો સંદેશો મારા રામને આટલું કહેજો મારા રામને
 હનુમાનજી દેજો સંદેશો મારા રામને,
અશોક વનમાં ઝૂરી રહી છુ, રામના વિયોગની વેદના ધરું છુ,
 વહેલા મોકલજો મારા રામને હનુમાનજી દેજો સંદેશો મારા રામને
રાક્ષસોની ભૂમી છે  દગા ભરેલી, લંકાની નગરી તો સોને મઢેલી,
એવું કહેજો મારા રામને હનુમાનજી દેજો સંદેશો મારા રામને.
લંકાની નગરીનો રાજા રાવણ છે, દસ એના મસ્તકને વીસ એના હાથ છે,
ચેતાવી દેજો મારા રામને હનુમાનજી દેજો સંદેશો મારા રામને.
 હનુમાનજી દેજો સંદેશો મારા રામને.

ભક્તિ કરતાં છૂટે મારા પ્રાણ

ભક્તિ કરતાં છૂટે મારા પ્રાણ પ્રભુજી એવું માંગુ હું,
રહે જન્મો જનમ તારો સાથ પ્રભુજી એવું માંગુ હું,
તારું મુખડું મનોહર જોયા કરું,
રાત દિવસ ભજન તારું ગયા કરું,
રહે અંત સમય તારું ધ્યાન પ્રભુજી આવું માંગ હું.
મારી આશા નિરાશા કરશો નહીં,
મારા અવગુણ હૈયે ધરશો નહીં,
શ્વાસે શ્વાસે રટૂ તારું નામ પ્રભજી એવું માંગુ હું.
મારા પાપને તપ સમાવી લેજો,
તમારા નંદને દાસ બનાવી દેજો
દેજો આવીને દર્શન દાન પ્રભુજી એવું માંગુ હું.
ભક્તિ કરતાં છૂટે મારા પ્રાણ પ્રભુજી એવું માંગુ હું,
રહે જન્મો જનમ તારો સાથ પ્રભુજી એવું માંગુ હું,

વેરણ બની છે તારી વાંશળી,

વેરણ બની છે તારી વાંશળી, 

કોરે મારા કાળજડાની કોર રે કાનુડા કાળા વેરણ બની 0...

તું એ કાળો ને કાળી વાંશળી, (૨)

સરખી લાગે તારી એની જોડ રે કાનુડા કાળા વેરણ બની 0...

નાદે બની છુ આની બહાવરી,(૨)

બાંધ્યો તે તો પ્રીતલડીનો દોર રે કાનુડા કાળા વેરણ બની 0...

ઘરના કામોને હું તો વિસરી (૨)

જાણે તું તો ચીતલડાનો ચોર રે કાનુડા કાળા વેરણ બની 0...

રોતા મેલ્યા છે મે તો બાલુડા (૨)

દિલડું મારૂ દોડે તારી કોર રે કાનુડા કાળા વેરણ બની 0...

માયા લગાડી મે મને ભોળવી (૨)

બીજાનું શું ચાલે એમાં જોર રે કાનુડા કાળા વેરણ બની 0...

veran bani che tari vanshali

મંદીરીયું સૂનું રે ઓ શિવજી તમારા વિના,

મંદીરીયું સૂનું રે ઓ શિવજી તમારા વિના, 

મારૂ અંતર તરસે રે પ્રભુજી તમારા દર્શન વિના.

મારૂ કેસરભીનું ચંદન રે પ્રભુજી તમારી રાહ જુએ,

જો જો આવતાં મોડુ થાય ના રે ચંદન મારું સુકાઈ જશે.

મારી ફૂલ કેરી માળા રે પ્રભુજી તમારી રાહ જુએ,

જો જો આવતાં મોડુ થાય ના રે માળા મારી સુકાઈ જશે.

મારી ભાવભીની આરતી રે પ્રભુજી તમારી રાહ જુએ,

જો જો આવતાં મોડુ થાય ના રે આરતી મારી બુઝાઈ જશે.

મારો ભાવભીનો પ્રસાદ  રે પ્રભુજી તમારી રાહ જુએ,

જો જો આવતાં મોડુ થાય ના રે પ્રસાદ મારો સુકાઈ જશે.

તારા કોડભર્યા ભક્તો રે પ્રભુજી તમારી રાહ જુએ,

જો જો આવતાં મોડુ થાય ના રે ભક્તો તમારા રિસાઈ જશે.

SHANBHU SHARNE PADEE

શંભુ શરણે પડી, માંગુ ઘડી રે ઘડી, કષ્ટ કાપો, દયા કરી દર્શન શિવ આપો.
તમે ભક્તોના દુ:ખ હરનારા, શુભ સૌનું સદા કરનારા;
હુ તોમંદ મતિ, તારી અકળ ગતિ, કષ્ટો કાપો, દયા કરી દર્શન શિવ આપો. શંભુ..

આપો ભક્તિમાં ભાવ અનેરો, શિવ ભક્તિમાં ધર્મ ઘણેરો;
પ્ર્ભુ તમે પૂજો દેવી પાર્વતી પૂજો, કષ્ટો કાપો દયા કરી દર્શન શિવ આપો.શંભુ..

અંગે ભસ્મ સ્મશાનની ચોળી, સંગે રાખો સદા ભૂત ટોળી;
ભાલે તિલક કર્યું, કંઠે વિષને ધર્યું, અમૃત આપો, દયા કરી દર્શન શિવ આપો. શંભુ..

નેતિ નેતિ જ્યાં વેદ કહે છે, મારુ ચિતડુ ત્યાં જાવા ચહે છે,
સારા જગમાં છે તુ, વસુ તારામાં હુ, શક્તિ આપો, દયા કરી દર્શન શિવ આપો. શંભુ..

હુ તો એકલ પંથી પ્રવાસી, છતાં આત્મા કેમ ઉદાસી;
થાક્યો મથી રે મથી, કારણ મળતુ નથી, સમજણ આપો, દયા કરી દર્શન શિવ આપો. આપો..

આપો દ્રષ્ટીમાં તેજ અનોખું, સારી સૃષ્ટીમાં શિવરૂપ દેખું;
મારા મનમાં વસો, આવી હૈયે હસો, શાંતિ સ્થાપો,દયા કરી દર્શન શિવ આપો. શંભુ..

ભોળા ઓ શંકર ભવ દુ:ખ કાપો, નિત્ય સેવાનું શુભ ધન મને આપો,
ટાળો માન-મદ, ગાળો સર્વ સદા, ભક્તિ આપો, દયા કરી દર્શન શિવ આપો. શંભુ..

અંગે શોભે છે રુદ્રની માળા, કંઠે લટકે છે ભોરિંગ કાળા,
તમે ઉમિયા પતિ, અમને આપો મતિ; કષ્ટ કાપો, દયા કરી દર્શન શિવ આપો. શંભુ..