ભક્તિ કરતાં છૂટે મારા પ્રાણ

ભક્તિ કરતાં છૂટે મારા પ્રાણ પ્રભુજી એવું માંગુ હું,
રહે જન્મો જનમ તારો સાથ પ્રભુજી એવું માંગુ હું,
તારું મુખડું મનોહર જોયા કરું,
રાત દિવસ ભજન તારું ગયા કરું,
રહે અંત સમય તારું ધ્યાન પ્રભુજી આવું માંગ હું.
મારી આશા નિરાશા કરશો નહીં,
મારા અવગુણ હૈયે ધરશો નહીં,
શ્વાસે શ્વાસે રટૂ તારું નામ પ્રભજી એવું માંગુ હું.
મારા પાપને તપ સમાવી લેજો,
તમારા નંદને દાસ બનાવી દેજો
દેજો આવીને દર્શન દાન પ્રભુજી એવું માંગુ હું.
ભક્તિ કરતાં છૂટે મારા પ્રાણ પ્રભુજી એવું માંગુ હું,
રહે જન્મો જનમ તારો સાથ પ્રભુજી એવું માંગુ હું,